Hadisə

Ana səhifə

Hadisə

8 yol qəzasında 8 nəfər həlak olub

17 sentyabr 2007 11:25 (UTC +04:00)

Qobustan rayonunda ölümlə nəticələnən yol qəzası baş verib. Daxili İşlər Nazirliyinin mətbuat xidmətindən APA-ya verilən məlumata görə, rayonun Cəngi qəsəbəsində Bərdə şəhər sakini Ruslan Rüstəmovun idarə etdiyi “Daewoo-Espero” və Ərəbşalbaş kənd sakini Ətraf Orucovun idarə etdiyi “KamAZ-5511” markalı avtomaşınlar toqquşub. Nəticədə xəsarət almış R. Rüstəmov, onun sərnişinləri - Bakı şəhər sakinləri Bəhruz Əhmədov, Nəcəf Nəcəfov və Bəhruz Babaverdiyev xəstəxanaya yerləşdirilib. Həkimlərin səylərinə baxmayaraq, R. Rüstəmov orada vəfat edib. Faktla bağlı Qobustan RPŞ-də araşdırma aparılır.
Naxçıvan-Sədərək yolunun Kəngərli rayonu ərazisində Şərur rayon sakini Məhəmməd Quliyev idarə etdiyi “Mersedes-230” markalı avtomaşını aşırıb. Nəticədə M. Quliyev hadisə yerində ölüb. Faktla bağlı Kəngərli RPŞ-də araşdırma aparılır.
Abşeron rayonunun Hökməli qəsəbəsində Tərtər rayon sakini Əli Abbasov idarə etdiyi “Ural” markalı avtomaşınla Quba rayon sakini Xalıq Məmmədovu vurub. Nəticədə X. Məmmədov hadisə yerində keçinib. Faktla bağlı Abşeron RPŞ-də araşdırma aparılır.
Şamaxı rayonunun Qonaqkənd kənd sakini Fariz Səfərov idarə etdiyi “UAZ-469” markalı avtomaşını aşırıb. Nəticədə F. Səfərovun sərnişinlərindən anası Qızbacı hadisə yerində həlak olub, xəsarət almış həmkəndlisi Zahidə Hacıyeva isə xəstəxanaya yerləşdirilib. Faktla bağlı Şamaxı RPŞ-də araşdırma aparılır.
Neftçala rayonunun Dördlər kəndində Kürqarabulaq kənd sakini Zakir Qurbanovun idarə etdiyi “Azsamand” və Qaraimanlı kənd sakini Rafiq Məmmədovun idarə etdiyi “KamAZ” markalı avtomaşınlar toqquşub. Nəticədə xəsarətlə xəstəxanaya yerləşdirilmiş Z. Qurbanov orada ölüb. Faktla bağlı Neftçala RPŞ-də araşdırma aparılır.
Yevlaxda rayon sakinləri Ceyhun Yunisov və Teyyub İsmayılovun idarə etdikləri “Muravey” markalı motosikletlər toqquşub. Nəticədə xəsarətlə xəstəxanaya yerləşdirilmiş C. Yunisov orada vəfat edib. Faktla bağlı Yevlax RPŞ-də araşdırma aparılır.
Əzizbəyov rayonunun Qala qəsəbəsi ərazisində Şüvəlan qəsəbə sakini Rüfət Muradov idarə etdiyi “VAZ-21043” markalı avtomaşınla Binə qəsəbə sakini Seyran Qafarovu vurub. Nəticədə S. Qafarov hadisə yerində keçinib. Faktla bağlı Əzizbəyov RPİ-də araşdırma aparılır.
Oğuz rayonunun Bayan kəndində Göyçay rayon sakini Məmmədağa Ədilov idarə etdiyi “VAZ-21074” markalı avtomaşınla Bucaq kənd sakini Bəhruz Yunusovu vurub. Nəticədə xəsarətlə xəstəxanaya yerləşdirilmiş B. Yunusov orada dünyasını dəyişib. Faktla bağlı Oğuz RPŞ-də araşdırmalar aparılır. /APA/