Hadisə

Ana səhifə

Hadisə

3 yaşlı uşaq avtomaşında yanıb

27 sentyabr 2007 16:53 (UTC +04:00)

Xızı rayonunun Sitalçay kəndində ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən APA-ya verilən məlumata görə, Xızı rayonunun Sitalçay kəndində Ağdam rayon sakini Yaşar Qasımovun idarə etdiyi “KamAZ” və Xaçmaz rayon sakini Valeh Qurbanovun idarə etdiyi “Mercedes” markalı avtomaşınlar toqquşub. Nəticədə “Mercedes”in sərnişini, Dəvəçi rayon sakini Mirkamil Hüseynov hadisə yerində ölüb, xəsarət almış sürücünün özü və digər sərnişini Mübariz Xanbabayev isə xəstəxanaya yerləşdirilib. Faktla bağlı Xızı RPŞ-də araşdırma aparılır.
Nəsimi rayonu ərazisində - H. Seyidzadə küçəsində müəyyən olunmamış avtomaşınla Bakı şəhər sakini Tofiq Rzayev vurulub. Nəticədə xəsarət almış T. Rzayev xəstəxanaya yerləşdirilib, vəziyyəti orta-ağırdır.
Göyçay rayonunda isə Sabunçu qəsəbəsinin Şəhər şosesində yaşayan 3 yaşlı Ayxan Quliyev Göyçay rayon sakini, dayısı Oruc İbrahimova məxsus “VAZ-21011” markalı avtomaşında oynayarkən yanğın baş verib. Nəticədə avtomaşının yanar konstruksiyaları yanıb, yanıq xəsarəti almış Ayxan isə dünyasını dəyişib. /APA/