Hadisə

Ana səhifə

Hadisə

Yol qəzalarında 4 nəfər ölüb

16 noyabr 2007 14:04 (UTC +04:00)

Sabunçu rayonunda ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən APA-ya verilən məlumata görə, 1-ci Zabrat qəsəbə sakini Əliağa Əsədov idarə etdiyi “VAZ-2107” markalı avtomaşınla həmyerlisi Əli Abdullayevi vurub. Nəticədə xəsarətlə xəstəxanaya yerləşdirilmiş Ə. Abdullayev orada vəfat edib. Faktla bağlı Sabunçu RPİ-də araşdırma aparılır.
Suraxanı rayonundakı Zığ yolu küçəsində Zığ qəsəbə sakini Zülfüqar Əliyev idarə etdiyi “KamAZ” markalı avtomaşınla Füzuli rayon sakini İlham Qayıbalıyevi vurub. Nəticədə İ.Qayıbalıyev hadisə yerində ölüb. Faktla bağlı Suraxanı RPİ-də araşdırma aparılır.
Yevlax rayonunda rayon sakini Ramil Həşimovun idarə etdiyi “VAZ-2107” və Bakı şəhər sakini Əlizadə Fətullayevin idarə etdiyi “Ford-Tranzit” markalı avtomaşınlar toqquşub. Nəticədə R. Həşimovun sərnişini, həmyerlisi Fuad Xasıyev hadisə yerində keçinib, xəsarət almış hər 2 sürücü isə xəsarətlə xəstəxanaya yerləşdirilib. Faktla bağlı Yevlax RPŞ-də araşdırma aparılır.
Qusar rayonunun Samur qəsəbəsində Yeni Tahircal kənd sakini Füzuli Qurbanəliyev idarə etdiyi “VAZ-2106” markalı avtomaşınla həmkəndlisi Günəş Şeydayevanı vurub. Nəticədə xəsarətlə xəstəxanaya yerləşdirilmiş G. Şeydayeva orada dünyasını dəyişib. Faktla bağlı Qusar RPŞ-də araşdırma aparılır.
Biləsuvar rayonu ərazisində “Hunday” markalı avtomaşınla Cəlilabad rayon sakini Taciəddin Bəşirov vurulub. Nəticədə xəsarət almış T. Bəşirov xəstəxanaya yerləşdirilib, vəziyyəti qənaətbəxşdir. Biləsuvar RPŞ əməkdaşlarının keçirdiyi əməliyyat-axtarış tədbirləri nəticəsində hadisəni törətmiş Lənkəran rayon sakini Bəhruz Əsgərov tutulub. Faktla bağlı Biləsuvar RPŞ-də araşdırma aparılır. /APA/