Hadisə

Ana səhifə

Hadisə

Yol qəzalarında 5 nəfər ölüb

22 noyabr 2007 14:21 (UTC +04:00)

Nərimanov rayonunda ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən APA-ya verilən məlumata görə, rayonun H. Əliyev küçəsində Füzuli rayon sakini Elşad Əzizov “KamAZ” markalı avtomaşını idarə edərkən həmyerlisi Adıgözəl Adıgözəlovu vurub. Nəticədə A. Adıgözəlov hadisə yerində keçinib. Faktla bağlı Nərimanov RPİ-də araşdırma aparılır.
Əzizbəyov rayonunun Türkan qəsəbəsindəki daş karxanasında qəsəbə sakini Alim Əbilov idarə etdiyi “ZİL” markalı avtomaşınla oranın fəhləsi, Astara rayon sakini Fətulla Mahmudovu vurub. Nəticədə F. Mahmudov hadisə yerində ölüb. Faktla bağlı Əzizbəyov RPİ-də araşdırma aparılır.
Abşeron rayonunun Mehdiabad kəndində Bakı şəhər sakini Məhəmməd Kərəmov idarə etdiyi “BMW” markalı maşınla Digah kənd sakini Ədilə Abbasquliyevanı vurub. Nəticədə Ə. Abbasquliyeva orada dünyasını dəyişib. Faktla bağlı Abşeron PPŞ-də araşdırmalar aparılır.
Göyçay rayonunun Mirzəhüseynli kəndində Qarabağlar kənd sakini Yaqub Seyidovun idarə etdiyi “VAZ-21011” və Yevlax rayon sakini Mətləb Həsənovun idarə etdiyi “Mercedes” markalı avtomaşınlar toqquşub. Nəticədə xəsarət almış Y. Seyidov və sərnişini, Qarabağlar kənd sakini Rəxşəndə Əhmədova, habelə M. Həsənovun sərnişini, Gədəbəy rayon sakini Elçin Həsənov xəstəxanaya yerləşdirilib. Faktla bağlı Göyçay RPŞ-də araşdırma aparılır.
Ağdaş rayonunun Qarağan kəndində Bərdə rayon sakini Elsevər Rəhimovun idarə etdiyi “Mercedes” və Yevlax şəhər sakini Atay İsgəndərovun idarə etdiyi “Mercedes” markalı avtomaşınlar toqquşub. Nəticədə E. Rəhimovun və A. İsgəndərovun sərnişinləri - Bərdə rayon sakini Rəfiqə Cəfərova və Yevlax şəhər sakini Vüqar Əliyev hadisə yerində ölüb, xəsarət almış E. Rəhimov və digər sərnişinləri - Bərdə rayon sakinləri Sofiya Cəfərova, Gülnar Cəfərova və Sumqayıt şəhər sakini Pəri Kərimova xəstəxanaya yerləşdiriliblər. Faktla bağlı Ağdaş RPŞ-də araşdırma aparılır. /APA/