Hadisə

Ana səhifə

Hadisə

Yol qəzalarında 4 nəfər ölüb

26 noyabr 2007 12:10 (UTC +04:00)

Nəsimi rayonunda ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən APA-ya verilən məlumata görə, rayonun H. Ələsgərov küçəsində Bakı şəhər sakinləri Azad Şəmsiyevin idarə etdiyi “Mersedes” markalı və Fuad Aslanovun idarə etdiyi “Hunday-Sonata” markalı avtomaşınlar toqquşub. Nəticədə xəsarət almış hər iki sürücü xəstəxanaya yerləşdirilib. A. Şəmsiyev orada dünyasını dəyişib. Faktla bağlı Nəsimi RPİ-də araşdırma aparılır.
Sumqayıt şəhərində şəhər sakini Əkbər Quliyev idarə etdiyi “Tofaş” markalı avtomaşını aşırıb. Nəticədə Ə. Quliyev və hadisə yerinin yaxınlığında olan Sumqayıt şəhər sakini Tural Hüseynov ölüb, xəsarət almış sərnişini Elşən Əhmədov isə xəstəxanaya yerləşdirilib. Faktla bağlı Sumqayıt ŞPİ-də araşdırma aparılır.
İmişli rayonunun Mərzəli kəndində rayon sakinləri Əlqismət Fətullayevin idarə etdiyi “VAZ-2107” və Lətif Abbasovun idarə etdiyi “QAZ-2410” markalı avtomaşınlar toqquşub. Nəticədə xəsarət almış hər iki sürücü və Ə. Fətullayevin sərnişini, İmişli rayon sakini Məhəbbət Mehdiyev xəstəxanaya yerləşdirilib. Faktla bağlı İmişli RPŞ-də araşdırma aparılır.
Qax rayonunun Dəymədağlı kəndində Bakı şəhər sakini Əmrah Yusifov idarə etdiyi “VAZ-2107” markalı avtomaşını ağaca vurub. Nəticədə xəsarət almış Ə. Yusifov və sərnişini, Zaqatala rayon sakini Xatirə Abbasova xəstəxanaya yerləşdirilib. X. Abbasova orada vəfat edib. Faktla bağlı Qax RPŞ-də araşdırma aparılır. /APA/