Hadisə

Ana səhifə

Hadisə

Qaradağ rayonunda ana və qızını qətlə yetirəndən sonra evə od vuran şəxs həbs olunub

24 dekabr 2007 08:21 (UTC +04:00)

Qaradağ rayon prokurorluğundan APA-ya verilən məlumata görə, aparılan təhqiqat nəticəsində qəsəbənin Yuxarı Buta küçəsi, ev 16-da yaşayan Qətibə Məmmədquluyeva və onun qızı Leyla Hacıəli qızı Əcəmovanın dekabrın 21-dən 22-ə keçən gecə vəhşicəsinə qətlə yetirildiyi aşkarlanıb. Ana və bala qətlə yetirildikdən sonra isə ev yandırılıb. Qaradağ rayon prokurorluğu və Polis İdarəsi əməkdaşlarının həyata keçirdiyi əməliyyat-axtarış tədbirləri nəticəsində cinayəti törədən Şahin Ağamirzə oğlu Hüseynov həbs edilib. Faktla bağlı Qaradağ rayon prokurorluğunda Cinayət Məcəlləsinin 120.2.7-ci (iki və daha artıq şəxsi qəsdən öldürmə) maddəsi ilə cinayət işi başlanılıb. Qaradağ rayon prokuroru Tariyel Qurbanov APA-ya məlumatı təsdiqləyib və qətli törədən şəxsin həbs olunduğunu deyib.
Qeyd edək ki, Daxili İşlər Nazirliyi dekabrın 22-də Qaradağ rayonunun Buta qəsəbəsində Yuxarı Buta küçəsi, ev 16-da yaşayan Qətibə Məmmədquliyevaya məxsus ikiotaqlı evdə yanğın baş verməsi və yanğın söndürüldükdən sonra evdə ana və balanın yanmış meyitlərinin tapılması barədə məlumat yayıb. /APA/