Şəki Rayon Baytarlıq İdarəsinə məxsus yük maşınında yanğın olub.
APA-nın şimal-qərb bürosunun məlumatına görə, aprelin 5-də axşam saat 23:40-da şəhərin Z.Əliyeva küçəsində rayon sakini Anar Hacıəliyevin idarə etdiyi “QazEl” markalı 55-AZ-824 dövlət nömrə nişanlı xırdatutumlu yük maşınının mühərrik hissəsində yanğın baş verib.
Hadisə yerinə Fövqəladə Hallar Nazirliyinin (FHN) Şəki Rayon Dövlət Yanğından Mühafizə Hissəsinin texnikası və şəxsi heyəti cəlb edilib. Yanğınsöndürənlərin səyi nəticəsində maşının tam yanmasının qarşısı alınıb. Yanğın nəticəsində ön hissəsinə ciddi ziyan dəyib.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
