İyunun 25-də saat 14:20 radələrində yol-nəqliyyat hadisəsi ilə əlaqədar 5 nəfər (3 qadın, 2 kişi cinsli) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.
Bu barədə APA-ya TƏBİB-dən bildirilib.
"Pasiyentlərə zəruri tibbi xidmətlər göstərilib, 4 nəfərin vəziyyəti qənaətbəxş hesab olunduğundan ambulator müalicə üçün evə buraxılıb. Qapalı kəllə-beyin travması alan 1969-cu il təvəllüdlü şəxsin (qadın cinsli) müalicəsi isə müvafiq şöbədə davam etdirilir. Vəziyyəti orta ağırdır", məlumatda deyilir.
***
15.20
Gəncədə baş verən yol qəzasında 5 nəfər xəsarət alıb.
APA-nın yerli bürosunun məlumatına görə, xəsarət alanların "Ford Fusion" markalı avtomobilin sürücüsü, 1999-cü il təvəllüldü R.Qasımov, "VAZ 2106"-nın sürücüsü V.Məmmədov, həmiçinin "VAZ" olan sərnişinlər - 1967-ci il təvəllüdlü R.Əhmədova, 1991-ci il təvəllüdlü Z.Heydərov və 1985-ci il təvəllüdlü M.Eyyubova olduğu bildirilir.
Xəsarət alanlar Şəmkir rayonu Sabirkənd kənd sakinləridir. Məlumata görə, onlar orta məktəb müəllimləridir, Gəncə şəhərinə imtahan vermək üçün gəliblər.
Faktla bağlı araşdırma aparılır.
***
14.01
Gəncədə yol-nəqliyyat hadisəsi baş verib.
APA-nın yerli bürosunun məlumatına görə, '"Ford" və "VAZ " markalı minik maşınları toqquşub. Qəzada bir neçə nəfər xəsarət alaraq xəstəxanaya yerləşdirilib.
Hadisə yerinə DYP əməkdaşları cəlb olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
