Hadisə

Ana səhifə

Hadisə

Kürdəmirdə mikroavtobusla yük maşını toqquşub, ölənlər və xəsarət alanlar var - FOTO - YENİLƏNİB-1

03 may 2023 15:24 (UTC +04:00)

Fövqəladə Hallar Nazirliyi (FHN) Kürdəmirdə baş verən ağır yol qəzası barədə məlumat yayıb.

Nazirlikdən APA-ya verilən xəbərə görə, "112" qaynar telefon xəttinə Kürdəmir rayonunun Sığırlı kəndində yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.

Məlumatla əlaqədar FHN-nin Dövlət Yanğından Mühafizə Xidmətinin müvafiq xilasetmə qüvvələri çağırış üzrə cəlb olunub.

Əməliyyat şəraiti qiymətləndirilərkən müəyyən olunub ki, “Mercedes” markalı mikroavtobus və “КамАЗ” markalı yük avtomobili toqquşub, 1 nəfər mikroavtobusda sıxılmış vəziyyətdə qalıb.

Həyata keçirilən tədbirlər nəticəsində 1 nəfərin meyiti zədələnmiş nəqliyyat vasitəsindən çıxarılaraq aidiyyəti üzrə təhvil verilib.

***

15.01

Kürdəmirdə ağır yol-nəqliyyat hadisəsi baş verib.

APA-nın xəbərinə görə, hadisə bu gün Bakı-Qazax əsas magistral yolunun rayonun Karrar kəndindən keçən hissəsində qeydə alınıb. "Mercedes Sprinter" markalı mikroavtobusla "KamAZ" markalı yük maşını toqquşub. Zərbənin təsirindən "KamAZ" aşıb. Hadisə zamanı 9 nəfər - Elgün Rəhbər oğlu Quliyev, Fəxrəddin Məhəmmədhəsən oğlu Quliyev, Zeynəb Mübariz qızı Məmmədova, Zəhra Vüqar qızı Quliyeva, Məhəmməd Vüqar oğlu Quliyev, İlqar Gəray oğlu Əliyev, Eldəniz Zahid oğlu Mehdiyev, 2001-ci il təvəllüdlü Zərif Əlizadə və Qələmnaz Vüqar qızı Quliyeva xəsarət alıb, Həmidə Quliyeva və digər şəxs isə ölüb.

Xəsarət alanlar Kürdəmir Mərkəzi Rayon Xəstəxanasına yerləşdiriliblər.

***

14.08

Kürdəmirdə ağır yol-nəqliyyat hadisəsi baş verib.

APA-nın yerli bürosunun xəbərinə görə, hadisə bu gün Bakı-Qazax yolunun Kürdəmir rayonundan keçən hissəsində qeydə alınıb. İlkin məlumata görə, qəza nəticəsində 7 nəfər ağır xəsarət alıb, ölən də var.

Xəsarət alanlar rayon xəstəxanasına yerləşdirilib.

Hazırda hadisə yerində araşdırma aparılır.