Lənkəranda bir neçə gün əvvəl təcili tibbi yardım avtomobilinin qəzaya uğraması nəticəsində xəsarət alan şəxs ölüb.
APA-nın cənub bürosunun verdiyi xəbərə görə, təcili tibbi yardım avtomobili ilə Astaradan Lənkərana gətirilən insult xəstəsi, qəza zamanı xəsarət alan Astara rayon sakini 1956-cı il təvəllüdlü A. Əhmədova xəstəxanada vəfat edib.
Xatırladaq ki, Astaradan Lənkərana gələn təcili tibbi Yardım avtomobili köhnə Ələt-Astara magistralında, Lənkəran rayonunun Digah kəndi ərazisində 1990-cı il təvəllüdlü N. Şərifzadənin idarə etdiyi "Hyundai Tucson" markalı minik avtomobili ilə toqquşub. Qəza nəticəsində, təcili yardım avtomobilində olan xəstə A.Əhmədova və xəstənin yaxınları - 1977-ci il təvəllüdlü E. Əhmədova və 1988-ci il təvəllüdlü S. İbrahimov xəsarət alıb. Onlar Lənkəran rayon mərkəzi xəstəxanasına hospitalizasiya olunub.
Qeyd edək ki, "Hyundai Tucson"un sürücüsü N. Şərifzadənin də Lənkəran rayon təcili tibbi yardım şöbəsinin əməkdaşı olduğu bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
