Zərdabda baş verən qəza nəticəsində ölənlərin adları məlum olub.
APA-nın yerli bürosunun məlumatına görə, sentyabrın 8-də saat 23 radələrində Zərdab rayonunun Yarməmmədbağı kəndinin ərazisində Elyar Məhəmmədovun idarə etdiyi “KİA” markalı, 77 BF 554 N-li avtomobil və Vicay Ağayevin idarə etdiyi “Lovol” markalı, 63 TG 062 nömrəli traktor toqquşub.
Qəza nəticəsində minik avtomobilinin sürücüsü 1989-cu il təvəllüdlü Elyar Qalib oğlu Məhəmmədov, onun atası 1954-cü il təvəllüdlü Qalib Soltan oğlu Məhəmmədov, onların qohumları - 1981-ci il təvəllüdlü Susanna Namizəd qızı Məhəmmədova, 1956-cı il təvəllüdlü Səkinə Sədulla qızı Məhəmmədova və 1979-cu il təvəllüdlü Mehriban Zabit qızı Kərimova ölüb.
Sürücünün həyat yoldaşı 1997-ci il təvəllüdlü Reyhan Nəsib qızı Məhəmmədova isə hadisə zamanı xəsarət alıb.
Faktla bağlı cinayət işi açılıb, araşdırma aparılır.
***
00:37
Zərdabda ağır yol-nəqliyyat hadisəsi baş verib.
APA-nın yerli bürosunun məlumatına görə, hadisə Zərdab-Ağcabədi avtomobil yolunda baş verib.
Belə ki, "KİA" markalı minik avtomobili traktorla toqquşduqdan sonra alışaraq yanıb.
İlkin məlumata əsasən hadisə nəticəsində azı 5 nəfər yanaraq ölüb.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
