Bakı-APA. Türkiyənin baş naziri Rəcəb Tayyib Ərdoğan iyunun 12-də onun istefasını tələb edən etirazçıların nümayəndələri ilə görüşmək niyyətindədir. APA-nın türk mətbuatına istinadən verdiyi xəbərə görə, bu barədə ötən gün baş nazirin müavini Bülənt Arınç bildirib.
“Baş nazir bu aksiyaları təşkil edən qrupların nümayəndələri ilə görüşlər keçirəcək. Düşünürəm ki, bu görüş çərşənbə günü baş tutacaq”, deyə o bildirib.