APA-nın “Reuters” agentliyinə istinadən verdiyi məlumata görə, bu barədə Bədəxşan əyalətinin qubernatorunun nümayəndəsi Navid Forotan (Naweed Forotan) bildirib.
Qeyd edək ki, BMT nümayəndələri mayın 2-də güclü selin törətdiyi torpaq sürüşməsi nəticəsində 350-dən çox insanın öldüyünü açıqlamışdı.
Əfqanıstanın şimal-şərqində yerləşən Hobo-Barik kəndində yaşayan 1000-dək ailənin hamısı baş verən təbii fəlakət nəticəsində selin gətirdiyi palçıq və daşların altında qalıb.
100-dək zərərçəkən xəstəxanaya yerləşdirilib. Dörd minədək insan evsiz-eşiksiz qalıb.
Axtarış-xilasetmə işləri davam etdirilir.