Bakı. Türbət Bağırova - APA. “ABŞ İrana S-300 zenit-raket komplekslərinin göndərilməsi ilə bağlı hələlik Rusiyaya qarşı sanksiya barədə qərar qəbul etməyib”.
APA-nın TASS agentliyinə istinadən verdiyi xəbərə görə, bunu Dövlət Departamentinin İran şöbəsinin mətbuatla əlaqələr nümayəndəsi Sem Uerberq deyib.
Onun sözlərinə görə, ABŞ hökuməti Rusiya tərəfindən İrana S-300 zenit-raket komplekslərinin göndərilməsi ilə bağlı xəbərləri təmkinlə izləməkdə davam edir.
Qeyd edək ki, İran Xarici İşlər Nazirliyi aprelin 11-də S-300 zenit-raket komplekslərinin ilk partiyasının çatması barədə məlumat yayıb.