Bunu APA-ya açıqlamasında Azərbaycan Ərazilərinin Minalardan Təmizlənməsi üzrə Milli Agentliyin (ANAMA) direktoru Nazim İsmayılov deyib.
N.İsmayılovun sözlərinə görə, Nazirlər Kabinetinin tapşırığı ilə müxtəlif qurumlar tərəfindən ANAMA-nın təmizlədiyi torpaqların istifadəsi ilə bağlı hesabatlar hazırlanıb. Hazırda Azərbaycan hökumətində olan bu hesabatda Agentlik tərəfindən təmizlənmiş bütün torpaqların istifadə olunduğu qeyd edilib: «Bu, minatəmizləmə əməliyyatları üçün ən gözəl göstəricidir. Biri var torpaqlar təmizlənə, amma istifadə olunmaya. Biri də var ki, ərazini təmizləyib qurtarmamış, sənin arxanda traktorlar dayanıb sahəyə girmək istəyirlər. Bəzən insanlar kənd təsərrüfatı məqsədləri üçün minaların mövcud olduğu, təmizlənməmiş sahələrə daxil olurlar. Belə ərazilərdə partlayışlar, xoşagəlməz hallar baş verir. Təkcə Haramı düzü ərazisində belə hallarla bağlı indiyədək 8 partlayış olub».
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
