APA-nın “RİA Novosti”-yə istinadən verdiyi xəbərə görə, ən güclü partlayış Bağdadın şimalındakı Talibiyyə rayonunda törədilib. Terrorçu-kamikadze tərəfindən idarə olunan avtomobil nəzarət-buraxılış məntəqəsinə çırpılıb. Baş vermiş güclü partlayış nəticəsində 12 nəfər ölüb, 28 nəfər yaralanıb.
Bundan başqa, paytaxtın qərbindəki Ad-Dəuləyi rayonunda iki avtomobilin partladılması nəticəsində 16 nəfər ölüb, 35 nəfər isə yaralanıb. Partlayışlar həmçinin Aş-Şəulə və Hürriyə rayonlarında da törədilib.