Bakı. Aqşin Rafiqoğlu - APA-Economics. Rusiyada fəaliyyət göstərən "Maqnitoqorsk Metallurgiya Kombinatı" ASC (MMK) Azərbaycan bazarına istehsal etdiyi məhsulun tədarükünü artırmaq niyyətindədir.
"APA-Economics"in məlumatına görə, bu barədə şirkətin saytında yerləşdirilən məlumatda deyilir.
"Azərbaycan neft və qaz nəqli üçün boru kəmərlərini inşa edir. Bunların arasında Bakı-Novorossiysk, Bakı-Supsa, Bakı-Tbilisi-Ceyhan, Bakı-Tbilisi-Ərzurum, TANAP boru kəməri xətlərinin inşası var. Bakının yaxınlığında isə iri Neft-Qaz və Neft-Kimya Kompleksi inşa olunur. Bu layihələrin reallaşdırılması MMK-ya Azərbaycana metal məhsullarının tədarükü baxımından perspektivli bazar kimi baxmağa imkan verir", - deyə məlumatda qeyd edilir.
Qeyd edək ki, Azərbaycan MDB ölkələri arasında MMK-nın metal məmulatlarını tədarük edən ən iri üçüncü ölkədir. 2014-cü ildə MMK-nın məhsullarının Azərbaycana ixracı 213,6 min ton təşkil edib ki, bu da daha əvvəlki illə müqayisədə 28% artıqdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
