Maliyyə

Ana səhifə

Maliyyə

«Meqa Sığorta» nizamnamə kapitalını artırır

23 may 2012 08:12 (UTC +04:00)

Bakı. Nicat Mustafayev – APA-Economics. Azərbaycan Qiymətli Kağızlar üzrə Dövlət Komitəsi «Meqa Sığorta» ASC-nin adi sənədsiz adlı səhmlərinin emissiya prospektini qeydiyyata alıb.

Bakı Fond Birjasından (BFB) «APA-Economics»ə verilən məlumata görə, səhmlərin hər birinin nominal dəyəri 5 min manat, sayı 600 ədəd, emissiyanın ümumi həcmi isə 3 mln. manat təşkil edir.

«Meqa Sığorta»nın səhmlərinin yerləşdirilməsində anderrayter rolunda «Çelsi Kapital» şirkəti çıxış edəcək. Yerləşdirmə BFB vasitəsilə keçiriləcək və başa çatdıqdan sonra sığorta şirkətinin nizamnamə kapitalı 42,9% artaraq 10 mln. manata çatacaq.

Qeyd edək ki, təsisçisi iki yerli fiziki şəxs olan «Meqa Sığorta» şirkəti bundan öncə «BE&G» sığorta adı ilə fəaliyyət göstərib. Şirkət 1998-ci ildə «Naxçıvan Sığorta» brendi ilə yaradılıb və 2001-ci ildə adını «BE&G»yə dəyişdirib. Şirkətin hazırkı nizamnamə kapitalı 7 mln. manat təşkil edir.