Əhalinin alıcılıq qabiliyyəti indeksi əhalinin pul gəlirlərinin pərakəndə əmtəə dövriyyəsi və əhaliyə göstərilən pullu xidmətlərin məcmusuna nisbətidir. Həmin nisbət əhalinin gəlirlərinin xərcləri üstələmə səviyyəsini və əhalinin sərəncamında qalan vəsaitlərin həcmini göstərir.
Qeyd edək ki, yanvar-avqust aylarında pərakəndə əmtəə dövriyyəsi 10 972,4 mln. manat, əhaliyə göstərilən pullu xidmətlərin dəyəri 3 491,4 mln. manat, əhalinin məcmu gəliri isə 21 365,0 mln. manat təşkil edib. Beləliklə, gəlirlər əsas xərcləri 6 901,2 mln. manat və ya 47,7% üstələyib.
Beləliklə, əhalinin sərəncamında qalan vəsaitlərin artımı baş verib. Aydındır ki, bu, gəlirlərin artması və ya xərclərin azalması nəticəsində baş verə bilər. Avqustda əhalinin gəlirləri 3,133 mlrd. manata bərabər olub ki, bu da iyul ayına nisbətən 0,03% çoxdur. Pərakəndə ticarət üzrə bu göstəricilər müvafiq olaraq 1,375 mlrd. manat və mənfi 1,9%, pullu xidmətlər üzrə isə 500,6 mln. manat və müsbət 3,0% təşkil edib. Ümumilikdə isə pərakəndə dövriyyəsi və xidmətlər üzrə xərclər aylıq müqayisədə təxminən 0,6% azalıb. Beləliklə, əhalinin sərəncamında qalan vəsaitlərin avqust ayında artımı xərclərin azalması ilə bağlı olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
