İnfrastruktur

Ana səhifə

İnfrastruktur

Azərbaycanda tikinti xərcləri indikatoru kəskin azalıb

01 may 2012 09:11 (UTC +04:00)

Bakı. Vahab Rzayev – APA-Economics. Azərbaycanda tikinti xərcləri indikatoru (Construction Spending Indicator – CSI) 2012-ci ilin mart ayı üzrə 80,1% təşkil edib. «APA-Economics»in Dövlət Statistika Komitəsinin məlumatları əsasında apardığı hesablamalara görə, bu ilin fevralında bu indikator 113,5%-ə bərabər olub.

CSI indikatoru ölkədə hesabat ayı ərzində mənzil tikintisinə yönəldilən investisiyaların əvvəlki ayın eyni göstəricisinə nisbəti kimi hesablanır. Belə ki, mart ayında mənzil tikintisinə yönəldilən investisiyalar aylıq müqayisədə 19,9% azalıb. Bundan bir ay əvvəl isə bu göstəricinin 13,5%-lik artımı baş verib:

Göründüyü kimi, dekabr ayında mənzil tikintisinə yönəldilən investisiyaların həcmində çox iri artım baş verib və nəticədə investisiyaların aylıq həcmi son illərdəki maksimuma çatıb. Dekabrdan sonra isə mənzil tikintisinə yönəldilən investisiyalar yenidən azalıb.