Bakı. Etibar Məmmədov – APA. NATO-nun baş katibi Anders Foq Rasmussen ABŞ-ın Ankaradakı səfirliyinin binası qarşısında baş verən partlayışı pisləyib.
APA-nın məlumatına görə, NATO baş katibi bildirib ki, müttəfiq bir ölkə ərazisində olan diplomatik nümayəndəliyə edilən bu ağlasığmaz hücum insan həyatını heçə sayan və qəbuledilməz bir hərəkətdir: “Mən bu hücumu qınayıram. Terrorun heç bir növü xoş görülə bilməz”.
Andres Foq Rasmussen NATO-nun Türkiyə və ABŞ-ı terrorla mübarizədə sona qədər dəstəkləyəcəyini də vurğulayıb.