Bakı. Aqşin Rafiqoğlu – APA-Economics. Bu ilin yanvar-sentyabr aylarında Cənubi Qafqaz Boru Kəməri (CQBK, Bakı-Tbilisi-Ərzurum) ilə bağlı fəaliyyətə 9 mln. ABŞ dolları həcmində əsaslı xərclər çəkilib. «BP-Azerbaijan» şirkətindən «APA-Economics»ə verilən məlumata görə, bütövlükdə bu il üçün isə bu işlərə 13 mln. dollar nəzərdə tutulub.
Şirkətin məlumatında qeyd olunub ki, bu boru kəməri 2006-cı ilin sonunda istismara verilərək əvvəl Azərbaycana və Gürcüstana, 2007-ci ilin iyul ayından isə həm də Türkiyəyə «Şahdəniz-1» qazını çatdırır: «İlk üç rübdə CQBK-nın gündəlik orta ötürücülük gücü 12,4 mln. kubmetr qaz və ya gündə 75 376 barel neft ekvivalenti olub».
Qeyd edək ki, CQBK-nin sərmayədarları BP (texniki operator - 25,5%), «Statoil» (kommersiya operatoru - 25,5%), «Azərbaycan CQBK Ltd.» (10%), «LUKoil» (10%), NICO (10%), «Total» (10%) və TPAO (9%) şirkətləridir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
