Bakı. Türbət Bağırova-APA. “Rəsmi Moskva NATO-Rusiya Şurasının iclası ilə bağlı məsələni nəzərdən keçirir, lakin hələlik qərar yoxdur”.
APA-nın "RİA Novosti" agentliyinə istinadən verdiyi xəbərə görə, bu barədə Rusiya XİN-in Avropa əməkdaşlığı üzrə departamentinin direktoru Andrey Kelin deyib.
A. Kelin bildirib ki, NATO tərəfindən Varşava sammitinədək daha bir iclasın keçirilməsi ilə bağlı çağırışlar səslənir: “Biz bu məsələni nəzərdən keçiririk. Hələlik qərar yoxdur. İşlərin gedişatına baxmalıyıq. Lakin heç bir halda dialoq üçün ən vacib kanaldan imtina edilməməlidir”.
O qeyd edib ki, bu mexanizm qarşılıqlı olaraq tərəflərin hərbi sahədə fəaliyyətlərinin aydınlaşdırılması məqsədi ilə yaradılıb. “NATO-Rusiya Şurası potensial gərginliklərin azaldılması məqsədilə daimi əsasda yaradılıb”, - deyə rusiyalı diplomat əlavə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
