Bakı. Viktoriya Dementyeva – APA. Mayın 19-da Bakıdakı Beynəlxalq Muğam Mərkəzində tanınmış fransız fortepianoçu Fransua Şaplenin konserti keçiriləcək. APA-nın məlumatına görə, Azərbaycanda Fransız İnstitutu və Beynəlxalq Muğam Mərkəzi tərəfindən təşkil olunan konsertdə F. Şaplen Motsart, Şopen və Debüssi kimi məşhur bəstəkarların əsərlərini ifa edəcək.
Qeyd edək ki, axırıncı dəfə F. Şaplen Bakıda 10 il bundan əvvəl konsert verib. Beynəlxalq miqyasda tanınmış fransız fortepianoçu 1989-cu ildə Klivlend Beynəlxalq Müsabiqəsində Motsart mükafatına və daha sonra Rober Kasadesü mükafatına layiq görülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
