Gəncə. Azər Məmmədli - APA. Azərbaycanlıların soyqırımına aid Gəncədə abidənin ucaldılması nəzərdə tutulur.
APA-nın qərb bürosunun məlumatına görə, bu barədə Gəncə şəhər İcra Hakimiyyətinin başçısı Elmar Vəliyev Xocalı faciəsinin 23-cü ildönümü ilə bağlı məcburi köçkünlər üçün yeni salınmış qəsəbədə çıxış edərkən bildirib.
Onun sözlərinə görə, Gəncədə şəhidlərin xatirəsini əbədiləşdirmək üçün abidə ucaldılsa da, soyqırım qurbanlarına aid abidə yoxdur: “Yaxın vaxtlarda şəhərdə olan parkların birində ayrı-ayrı vaxtlarda Azərbaycan xalqına qarşı törədilən soyqırıma aid abidə ucaldılacaq. Abidədə xalqımızın başına gətirilən acılar və qan yaddaşının saxlanıb gələcək nəsillərə ötürülməsi öz əksini tapacaq”.
Abidənin martın 31-ə kimi hazırlanması planlaşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
