Bakı-APA. Gürcüstanın və Rusiyanın iki ölkə arasında münasibətlərin nizamlanması üzrə xüsusi nümayəndələri Zurab Abaşidzenin və Rusiya XİN rəhbərinin müavini Qriqoriy Karasınin ikinci görüşü martın 1-də baş tutacaq. APA-nın “RBK”ya istinadən verdiyi xəbərə görə, bu barədə Tiflisdə jurnalistlərə açıqlamasında Zurab Abaşidze bildirib. Onun sözlərinə görə, görüşün keçiriləcəyi məkan hələlik müəyyən olunmayıb, görüşün Avropa şəhərlərinin birində baş tutacağı ehtimal olunur.
Xatırladaq ki, Gürcüstanın və Rusiyanın münasibətlərin nizamlanması üzrə xüsusi nümayəndələrinin birinci görüşü dekabrın ortalarında Cenevrədə keçirilmişdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
