Bakı. Könül Kamilqızı – APA. Tələbə Qəbulu üzrə Dövlət Komissiyası (TQDK) Azərbaycan Milli Elmlər Akademiyasının magistraturasına qəbul olmaq istəyən bakalavrlara müraciət edib.
TQDK-nın mətbuat xidmətindən APA-ya verilən xəbərə görə, AMEA üzrə magistratura səviyyəsinin ixtisaslaşmalarına qəbul olmaq istəyən bakalavrlar ixtisaslaşma seçimi etməzdən əvvəl 4-8 may tarixlərində saat 10-dan 17-dək AMEA-da müsahibədən keçməlidirlər.
AMEA-nın magistraturasına qəbul aparılan ixtisaslaşmalar, müsabiqə şərtləri və müsahibənin keçirildiyi ünvanlar haqqında məlumat http://www.tqdk.gov.az/news/master/1275/ linkində verilib.