İnfrastruktur

Ana səhifə

İnfrastruktur

May və iyun aylarında Pakistanda COMSTECH-in təşkilatçılığı ilə təlim kursları keçiriləcək

23 fevral 2009 13:30 (UTC +04:00)

Bakı. Aynur Vəliyeva – APA-Economics. Bu ilin may ayının 18-29-da İslamabadda (Pakistan) İslam Konfransı Təşkilatının Elm və Texnoloji Əməkdaşlıq üzrə Daimi Komitəsinin (COMSTECH) Elm, Texnologiya və İnnovasiya Siyasəti Araşdırmaları Mərkəzinin təşkilatçılığı ilə «Sahibkarlıq və innovasiya» mövzusunda təlim kursu keçiriləcək. Bundan başqa, iyunun 15-26-da «Tədbirlilik» mövzusunda təlim kursları təşkil olunacaq.
Azərbaycan Rabitə və İnformasiya Texnologiyaları Nazirliyinin strateji planlaşdırma və elmi potensial şöbəsindən «APA-Economics»ə verilən məlumata əsasən, təlim kurslarının məqsədi İslam Konfransı Təşkilatına daxil dövlətlərin elm, texnologiya və innovasiya siyasətlərini daha səmərəli və effektiv şəkildə qurmağa imkan verən biliklərin tədris olunmasıdır.
Təlim kurslarında yerli dövlət qurumları, təşkilat və birliklər, şirkətlərin İT sahəsində müvafiq iş təcrübəsi olan nümayəndələri iştirak edə bilərlər. Təlim kursları ingilis dilində aparılacaq. Kursla bağlı nəqliyyat xərcləri istisna olmaqla, bütün xərclər təşkilatçılar tərəfindən ödəniləcək.
Proqram barədə əlavə məlumat almaq və ya proqramda iştirak etmək istəyən şəxslər fevralın 25-dək Rabitə və İnformasiya Texnologiyaları Nazirliyinin strateji planlaşdırma və elmi potensial şöbəsinə müraciət edə bilərlər.