İnfrastruktur

İnfrastruktur

«Ultel» şirkəti yeni kampaniya keçirir

20 aprel 2009 14:13 (UTC +04:00)

Bakı. Aynur Vəliyeva – APA-Economics. Azərbaycanın «Ultel» şirkəti trafik hesablı İnternet istifadəçilərinin sürəti üzrə yeni kampaniyaya başlayıb.
Şirkətin baş ofisindən APA-Economics»ə verilən məlumata əsasən, kampaniya çərçivəsində ADSL xidməti növündə trafik hesabı ilə genişzolaqlı internet xidmətlərinin istifadəçilərinin sürəti artıq 1,5 dəfə deyil, 2 dəfə artırılıb. Beləliklə, ADSL texnologiyası vasitəsi ilə trafik hesabı ilə internetə qoşulma xidmətlərinin sürətlərinin minimal həddi 256 Kbit/s-dən 512 Kbit/s-dək, maksimal həddi 4096/1024 Kbit/s-dən 8192/1024 Kbit/s-dək artırılıb.
Aksiya çərçivəsində zəmanətli internet növündə trafik hesabı ilə xidmət alan istifadəçilərin sürəti də 2 dəfə artırılıb. Kampaniya çərçivəsində trafik hesabı ilə internetə qoşulma xidmətlərinin sürətləri 512 Kbit/s-dən 768 Kbit/s-dək, 1024 Kbit/s-dən 1536/1024 Kbit/s-dək, 2048/1024 Kbit/s-dən 3072/1024 Kbit/s-dək, ödənilmiş trafikin həcmi 20 GB-dən 30 GB-dək, 40 GB-dən 60 GB-dək, 80 GB-dən 120 GB-dək artırılıb.
Zəmanətli internet xidmətləri digər ATS-lərin ərazisində göstərildiyi halda əlavə olaraq 48 manat qoşulma və 12 manat aylıq abunə haqqı ödənilir.
Xatırladaq ki, «Ultel» şirkəti 1996-cı ildən fəaliyyət göstərir. Şirkət simli telefoniya, simsiz CDMA xidmətləri ilə yanaşı internet xidmətləri göstərir, o cümlədən ADSL, Dial-up, zəmanətli internet xidmətləri təklif edir.