İnfrastruktur

Ana səhifə

İnfrastruktur

“Bakcell” Ağcabədidə yeni stansiyalar quraşdırıb

21 dekabr 2011 12:20 (UTC +04:00)

Bakı. Nicat Mustafayev - APA-Economics. Azərbaycanın ilk mobil rabitə operatoru olan «Bakcell» şirkəti ölkənin ucqar ərazilərində yaşayan abunəçilərə göstərilən xidmətin keyfiyyətini yaxşılaşdırmaq istiqamətində fəaliyyətini davam etdirir.

Şirkətdən «APA-Economics»ə verilən məlumata görə, bir müddət əvvəl Ağcabədi rayonunun Qaraxanlı, İmanqulubəyli, Əlibəyli və Boyat kəndlərinin bir qrup sakini «Bakcell» şirkətinə məktubla müraciət edərək, ətraf kəndlərdə yaşayan əhalinin «Bakcell»in xidmətlərindən istifadə etməkdə çətinlik çəkdiyini bildirib.

Qeyd edilən kənd və qəsəbələrin ucqar ərazilərdə və cəbhə xəttində yerləşməsinə baxmayaraq, «Bakcell» əhalinin yüksək keyfiyyətli mobil rabitə xidmətlərindən istifadə edə bilməsi üçün bütün səylərini birləşdirib. Məktuba cavab olaraq qısa müddət ərzində ərazidə yeni stansiyalar quraşdırılıb. Nəticədə artıq həmin kəndlərdə yaşayan əhali yüksək keyfiyyətli rabitə xidməti ilə təmin olunub və indi əhali «Bakcell» şirkətinin xidmətlərdən yüksək səviyyədə istifadə edə bilir.

«Şirkət ucqar bölgələrdə yaşayan bütün vətəndaşlarımızı yüksək keyfiyyətli mobil rabitə xidməti ilə təmin etməyə hazırdır. Biz daim bütün ölkə ərazisində şəbəkəmizin keyfiyyətini və mövcudluğunu nəzarət altında saxlayırıq. Son 2 il ərzində «Bakcell» 500-dən artıq yeni baza stansiyası quraşdırıb, bu da öz növbəsində şəbəkəmizin əhatə dairəsini əhəmiyyətli dərəcədə təkmilləşdirib. Biz istifadədə olan stansiyalarımızın effektivliyini və ümumi şəbəkə infrastrukturun keyfiyyətini də artırmaqdayıq. Bütün şəbəkələrdə aparılan müstəqil keyfiyyət sınaqlarının nəticələrinə əsasən, «Bakcell» şirkəti ölkə üzrə ilk sıradadır», - deyə «Bakcell»in baş icraçı direktoru Riçard Şirer bildirib.