İnfrastruktur

Ana səhifə

İnfrastruktur

Bakı-Böyük Kəsik sahəsində daha 3,5 km yol əsaslı təmir olunur - FOTO

Bakı-Böyük Kəsik sahəsində daha 3,5 km yol əsaslı təmir olunur - <font color=red>FOTO</font>

10 iyul 2012 09:00 (UTC +04:00)

Bakı – APA-Economics. «Azərbaycan Respublikasında dəmir yolu nəqliyyat sisteminin 2010-2014-cü illərdə inkişafına dair Dövlət Proqramı»nın icrası çərçivəsində Bakı-Böyük Kəsik istiqamətində 317 km yolun əsaslı təmiri davam edir.

“Azərbaycan Dəmir Yolları» QSC Mətbuat Katibliyinin rəisi Nadir Əzməmmədovun “APA-Economics”ə verdiyi məlumata görə, bu gün Ağstafa-Poylu mənzilində 3,4 km yolun əsaslı təmirinə başlanıb.

Səhər saatlarında köhnə yolun söküntüsünə start verilib. Təmir işləri üç gün davam edəcək. Bununla da 97,5 km yolun əsaslı təmiri başa çatmış olacaq.

Qeyd edək ki, İnfrastruktur Departamenti tərəfindən Bakı-Böyük Kəsik-Bakı sahəsində əsaslı təmir olunması nəzərdə tutulan kilometrlərin təmir ardıcıllığı siyahısı hazırlanıb və işlər bu ardıcıllığa uyğun həyata keçirilir. Əsaslı təmir işlərinə 10 iyun 2011-ci ildə Tatlı-Ağstafa sahəsinin 97-ci km-də start verilib.

Əsaslı təmir işlərinə “Azərbaycan Dəmir Yolları” QSC “Dəmiryolservis” MMC-nin 4 saylı İxtisaslaşdırılmış Dəmir Yolu Müəssisəsi və İnfrastruktur Departamentinin müvafiq qurumları cəlb olunub. Yolların əsaslı təmiri prosesini Çexiyanın «İxrac» Bankının nəzarət qrupu müşahidə edir. Təmir işləri başa çatandan sonra bu yollarda qatarların hərəkət sürətini artırmaq mümkün olacaq.

N.Əzmməmədov əlavə edib ki, “Azərbaycan Respublikasında dəmir yolu nəqliyyat sisteminin 2010-2014-cü illərdə inkişafına dair Dövlət Proqramı”nın icrası çərçivəsində Bakı-Böyük Kəsik istiqamətində 317 km yolun əsaslı təmir ilə əlaqədar Vasif Süleymanın və Elbariz Məmmədlinin müəllifi olduqları 3 cildlik “Məxmər yolların sirri” adlı kitab çapa hazırlanır. Hər 100 km-dən bir çap olunacaq kitabın birinci cildi bu günlərdə işıq üzü görəcək.