İnfrastruktur

Ana səhifə

İnfrastruktur

«Caspian Telecom» 15 illik yubileyini “Ailə TV” şəbəkəsində qeyd edir

16 iyul 2012 13:05 (UTC +04:00)

Bakı - APA-Economics. Azərbaycanda İKT sektorunda qabaqcıl şirkətlərdən biri olan «Caspian Telecom» bu gün 15 illik yubileyini qeyd edir. «APA-Economics»in məlumatına görə, bu barədə şirkətin direktoru Fuad Allahverdiyev bildirib.

Onun sözlərinə görə, korporativ müştərilərə şəbəkə xidmətləri göstərən şirkət 1997-ci ildə təsis edilib və yarandığı gündən ən müxtəlif şəbəkə xidmətləri göstərməyə başlayıb: “2010-cu ildə “Caspian Telecom” “Ailə TV2 şəbəkəsinin tərkib hissəsinə çevrilib və şirkətin rəhbərliyi dəyişib. Həyata keçirilmiş dəyişiklik nəticəsində fəaliyyətin effektivliyinin artırılması məqsədilə əhəmiyyətli islahatlar aparılıb. 2010-cu ildə şirkətin “Ailə TV” şəbəkəsinə daxil olması nəticəsində “Caspian Telecom” Azərbaycanın İKT sferasında ən qabaqcıl şirkətlərindən birinə çevrilib”.

“Caspian Telecom”un direktorunun qeyd edib ki, hazırda respublika ərazisində ən geniş və ən sıx fiber-optik şəbəkə infrastrukturuna malik olan şirkət Azərbaycan Mərkəzi Bankı, Dövlət Neft Fondu da daxil olmaqla ölkənin ən iri kommersiya banklarına, dövlət və özəl strukturlara fasiləsiz və keyfiyyətli İKT xidmətləri göstərir: “Hazırda xidmətlərimizdən Azərbaycanın ən böyük kommersiya bankları yararlanır”.

Qeyd edək ki, “Caspian Telecom” korporativ müştərilərə fiber-optik internet, ayrılmış xətlər və “Ethernet”, Korporativ İP Telefoniya, Virtual Özəl Şəbəkələrin yaradılması, Şəbəkə Təhlükəsizliyi, Video Müşahidə, Şəbəkə Monitorinqi kimi xidmətlər təqdim edir.

Şirkət təqdim olunan xidmətlər sferasını və öz əhatə dairəsini daim genişləndirir. Bununla yanaşı, “Caspian Telecom” Azərbaycanda SWIFT xidmətini təqdim ən böyük şirkətdir.

F.Allahverdiyev bildirib ki, hazırda Bakı, Gəncə, Sumqayıt, Qəbələ, Lənkəran, Bərdə, Yevlax, Tovuz, Şəmkir, Masallı və Biləsuvar şəhərlərində “Caspian Telecom”un optik şəbəkəsi mövcuddur: “Əhatə dairəsinin genişləndirilməsi ilə əlaqədar bir sıra şəhərlərdə filialların yaradılması planlaşdırılır. Şirkətin əməkdaşları mütəmadi olaraq müxtəlif sərgilərdə iştirak edir və ən son texnologiyalar ilə tanış olurlar. Ən qabaqcıl texnologiyaların tətbiqi şirkət üçün prioritet hesab olunur”.

Qeyd etmək lazımdır ki, şirkət sistem inteqratoru kimi fəaliyyət göstərir, CİSCO və digər şirkətlərlə əməkdaşlıq edir. Öz fəaliyyətində innovasiyalara geniş yer verən şirkət 2012-ci ildən etibarən bütün aktiv avadanlıqları ən müasir tələblərə cavab verən CISCO avadanlıqları ilə əvəzləyib.