İnfrastruktur

Ana səhifə

İnfrastruktur

“Azərsu” işçi qəbulu elan edib

20 iyul 2012 12:55 (UTC +04:00)

Bakı. Əli Əhmədov - APA-Economics. “Azərsu” ASC su təchizatı və kanalizasiya sistemlərinin yenidən qurulması layihələri üzrə işlərdə tikintiyə texniki nəzarəti həyata keçirmək üçün müvafiq ixtisaslı işçilərin işə qəbulunu elan edir.

ASC-dən «APA-Economics»ə verilən məlumata görə, bu kateqoriyadan olan işçilər tikinti-quraşdırma işləri ilə əlaqədar planın tutulması, işlərin istehsalat planına, normativ sənədlərə uyğun olaraq texnoloji ardıcıllıqla və keyfiyyətlə icrasına nəzarət edir, layihə-smeta sənədləri üzrə arayış, çertyoj və hesabatlar hazırlayır.

Tələblərə görə namizədlərin inşaat mühəndisliyi üzrə ali təhsili, bu sahədə minimum 3 il iş təcrübəsi olmalıdır. Namizədlər tikinti işlərinin aparılmasına dair metodik və normativ sənədləri, inşaat işlərinin təşkili və planlaşdırılması prinsiplərini, inşaat norma və qaydalarını, eləcə də texniki şərtləri bilməlidir. Bununla yanaşı, namizədlər müvafiq kompyuter biliklərinə (MS Office, İnternet, Outlook, AutoCAD) malik olmalıdır.

Maraqlananlar şəxsi məlumatlarını (CV) [email protected] e-mail ünvanına göndərə bilərlər. Əlavə məlumat üçün əlaqə telefonu (012) 431-47-67