Bakı Metropoliteninin "E-15" stansiyasının katlavanı artıq qazılıb.
"APA-Economics" xəbər verir ki, bunu "Bakı Metropoliteni" QSC-nin baş mühəndisi Əlixan Osmanov bildirib.
“"E-16" 50%-dən artıq tikilib, "E-14" stansiyasında isə yalnız işlərə start verilməsi qalıb”
Metrostansiyaların tikintisinə gec-gec start verilməsinə gəlincə, baş mühəndis bunları bildirib: "Metropoliten tikintisi çox böyük vəsait tələb edir. Vəsaitin də hara yönəlməsini bizdən yaxşı bilənlər var. Buna görə də tikintinin aparılması üçün vəsaitin ayrılması nə zaman məsləhət bilinsə, o zaman start veriləcək".
Əlixan Osmanov həmçinin əlavə edib ki, 8 Noyabrdan "B-4" stansiyasına kimi tunellər qazılıb, tunellərin içərisində artıq quraşdırılma işləri gedir. “"B-4" stansiyası mərtəbə-mərtəbə tikilərək aşağı düşülür. İki mərtəbəsini tikmişik, tikintisi davam edir. Gələn ilin sonuna, ən geci 2024-cü ilin əvvəlinə stansiyanın tikintisini başa çatdıra bilərik", - deyə baş mühəndis bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
