Sərnişinlərin artan tələbatını nəzərə alaraq, “Azərbaycan Dəmir Yolları” Qapalı Səhmdar Cəmiyyəti Yeni il bayramı günləri ilə bağlı sərnişin qatarlarının optimallaşdırılmasını həyata keçirəcək.
“APA-Economics” xəbər verir ki, bu barədə jurnalistlərə “Azərbaycan Dəmir Yolları” Qapalı Səhmdar Cəmiyyətinin sədri Rövşən Rüstəmov deyib.
Onun sözlərinə görə, Zəfər Günü ilə bağlı Bakı-Sumqayıt marşrutu üzrə istifadə olunan ehtiyyat qatarlardan Gəncə istiqaməti üzrə istifadə olunub.
“Bu cür optimallaşdırma Yeni il üçün də istifadə olunacaq”, - Rövşən Rüstəmov qeyd edib.
Xatırladaq ki, “Azərbaycan Dəmir Yolları”nın bütün strukturları 8 Noyabr - Zəfər Günü və 9 Noyabr – Dövlət Bayrağı Günü ilə əlaqədar gücləndirilmiş iş rejimində çalışıb. Bununla bağlı Bakı-Gəncə-Bakı istiqamətində artan sərnişin tələbatı nəzərə alaraq, xətt üzrə iki əlavə reys təyin edilib.
Bakı-Sumqayıt-Bakı elektrik qatarları isə bayram günlərində istirahət günlərindəki qrafikə uyğun hərəkət edib.
Rahim Tarıverdiyev
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
