Dünya Bankının İcraçı Direktorlar Şurası Qara Dəniz sualtı kabel layihəsinin hazırlıq fəaliyyətləri üçün 35 milyon dollar kredit ayırıb.
APA-nın Tbilisi müxbiri Gürcüstanın İctimai telekanalına istinadən xəbər verir ki, kredit Gürcüstan üçün Enerji İnterkonneksiyası və Alternativ Enerji vasitəsilə Enerji Təhlükəsizliyinin Artırılması (ESPIRE) proqramının birinci mərhələsi üçün nəzərdə tutulub.
Üç mərhələdən ibarət proqramın potensial maliyyə zərfinin 500 milyon dollar olacağı bildirilir. Proqramın məqsədinin sualtı kabel layihələrinin inkişaf etdirilməsi üçün Gürcüstanın institusional imkanlarının yaxşılaşdırılması, Gürcüstanın daxili enerji ötürücü sisteminin gücləndirilməsi və Cənubi Qafqazla Cənub-Şərqi Avropa arasında birbaşa elektrik interkonneksiyasının yaradılması olduğu bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
