Rusiyanın "Nordavia – regional hava yolları" aviaşirkəti iyulun 25-dən etibarən Sankt-Peterburq–Bakı aviareysi üzrə birbaşa uçuşlar həyata keçirəcək.
"APA-Economics"in sözügedən aviaşirkətə istinadən verdiyi məlumata görə, uçuşlar həftədə iki dəfə – IV və VI günləri "Boeing 737-700" təyyarəsi ilə yerinə yetiriləcək.
"Sankt-Peterbur–Bakı aviareysinə biletlər artıq satışdadır. Bir istiqamətə biletin minimal qiyməti 8 830 rubl (təxminən 250 manat) təşkil edir", - deyə aviaşirkətin məlumatında bildirilir.
Qeyd edək ki, hazırda "Azərbaycan Hava Yolları" QSC (AZAL) həftənin III, V və VII günləri Bakı–Sankt-Peterburq aviareysi üzrə birbaşa uçuşlar yerinə yetirir.