Bakı. Nicat Mustafayev – APA-Economics. Bu ilin may ayında əvvəlki ayla müqayisədə Azərbaycanın nəqliyyat sektorunda yükdaşıma tarifləri 0,1% bahalaşıb, sərnişindaşıma tarifləri isə eyni səviyyədə qalıb.
Dövlət Statistika Komitəsindən «APA-Economics»ə verilən məlumata görə, dəmir yolu nəqliyyatında 10 ton yükün 1 km məsafəyə daşınmasının orta tarifi ixrac üzrə 6,7%, yerli əlaqə üzrə 3,5%, idxal üzrə 1,3%, tranzit üzrə 1,1%, sərnişindaşıma tarifləri isə beynəlxalq əlaqə üzrə 6% ucuzlaşıb.
Hava nəqliyyatında digər xarici ölkələrə sərnişindaşıma tarifləri 0,4% ucuzlaşıb, MDB ölkələrinə isə 1,3% bahalaşıb.
Boru kəməri vasitəsilə neftin nəql olunma tarifi 0,4% ucuzlaşıb.
Avtomobil nəqliyyatı vasitəsilə işəmuzd yükdaşıma tarifləri yerli əlaqə üzrə 8,4% bahalaşıb.
Rabitə sahəsində internet xidmətlərinin tarif indeksi 0,2% bahalaşıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
