«APA-Economics»in məlumatına görə, bunu nəqliyyat nazirinin müavini Musa Pənahov bildirib.
Bakı və Bakıətrafı ərazilərdə həyata keçirilən yol-nəqliyyat layihələri barədə məlumat verən nazir müavini qeyd edib ki, bir qədər əvvəl Buzovna-Mərdəkan-Qala yolunun bir hissəsi işə düşüb. Hazırda bu layihənin davamı başlanıb - Qaladan Zığ-Hava limanı beton yoluna qədər çəkilən avtomobil yolunun tikintisi yekunlaşıb və bu yaxınlarda istismara hazır olacaq. Eyni zamanda, Qala qəsəbəsindən Pirallahıya qədər olan yolun yenidən qurulması, Bilgəh-Pirşağı və Bakı-Quba yolu istiqamətində işlər davam etdirilir. Bu yolun 16 km-dən artıq hissəsi artıq hazırdır.
Bundan başqa, Bakı şəhəri daxilində yolların yenidən qurulması və yol bağlantılarının tikintisi gedir – Z.Bünyadov prospekti üzərində 4 yeni yol bağlantısı tikilir və ilin sonunadək bu işlər yekunlaşacaq. Həmçinin, Bayraq Meydanı yolunun davamı və oradan Bibiheybət məscidinədək yeni yolun tikintisi və s. nəzərdə tutulur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
