Bakı. Nicat Mustafayev – APA-Economics. İyun ayıın ikinci yarısında Rusiyanın «Ak Bars Aero» aviaşirkəti Mahaçqala-Bakı marşrutu ilə birbaşa aviareyslərə başlayacaq.
«APA-Economics»in Rusiya mətbuatına istinadən verdiyi məlumata görə, hazırda Mahaçqala Beynəlxalq Aeroportundan Moskva, Sankt-Peterburq, Yekaterinburq, Surqut, İstanbul, Dubay və Aktau şəhərlərinə uçuşlar yerinə yetirilir.
İyunun ikinci yarısından etibarən isə «Ak Bars Aero» aviaşirkəti Soçi, Minvodı və Bakı şəhərlərinə birbaşa uçuşlara start verəcək.
Qeyd edək ki, Mahaçqala-Bakı aviareysinə bir istiqamətdə aviabiletin minimal qiyməti 35 avro (uçuş vaxtı 40 dəqiqə), Mahaçqala-Minvodı üzrə 33 avro (uçuş vaxtı 40 dəqiqə), Mahaçqala-Soçi üzrə isə 40 avro (uçuş vaxtı 1 saat) təşkil edəcəyi gözlənilir.
Xatırladaq ki, hazırda «Ak Bars Aero» aviaşirkəti Nijnekamsk-Bakı marşrutu üzrə həftədə 1 dəfə uçuşlar yerinə yetirir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
