Bakı. Aynur Əliyeva - APA-Economics. I Avropa Oyunlarının 2015-ci ildə Bakı şəhərində keçirilməsi ilə bağlı nəqliyyat-yol kompleksi üzrə tədbirlər planına müvafiq olaraq Su Oyunlarının keçiriləcəyi əraziyə yeni avtomobil yolu çəkilir.
Nəqliyyat Nazirliyi “Azəryolservis” ASC-dən “APA-Economics”ə verilən məlumata görə, layihə üzrə 4 giriş-çıxışdan ibarət olacaq 1 piyada keçidi, kommunikasiya xətlərinin keçirilməsi üçün ehtiyat keçidləri və 5711 m uzunluğunda bağlantı yollar nəzərdə tutulub.
Artıq yolun keçdiyi ərazi boyu torpaq işlərinin 70%-i, asfalt-beton örtüyünün döşənməsi ilə bağlı işlərin 20%-i yerinə yetirilib. Hazırda piyada keçidinin, torpaq yatağının və kommunikasiya xətlərinin keçirilməsi üçün ehtiyat keçidlərinin tikintisi davam etdirilir. Layihənin 2015-ci ilin əvvəllərində başa çatdırılması planlaşdırılır.
Yeni inşa olunacaq bağlantı yolların köməyi ilə Su Oyunlarının keçiriləcəyi əraziyə nəqliyyat vasitələrinin giriş-çıxışı, eyni zamanda yeraltı piyada keçidinin hesabına piyadaların təhlükəsiz və maneəsiz hərəkəti təmin olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
