Bakı. Aynur Əliyeva – APA-Economics. Bakı-Böyük Kəsik dəmir yolunun Yevlax-Malay mənzilində 5 km yolun əsaslı təmirinə başlanılıb. Səhər tezdən start götürən təmir işləri bir həftə davam edəcək. «Azərbaycan Dəmir Yolları» QSC-nin Mətbuat Katibliyinin rəisi Nadir Əzməmmədovun «APA-Economics»ə verdiyi məlumata görə, əsaslı təmir işlərini «Dəmiryolservis» MMC həyata keçirir.
Eyni zamanda MMC-nin baş direktoru Əli Əşrəf Lütfəlibəyovun bildirdiyinə görə, Azərbaycanda dəmir yolu nəqliyyat sisteminin inkişafına dair Dövlət Proqramının (2010-2014-cü illər) icrası çərçivəsində əsaslı təmir işlərinə 2011-ci il iyunun 10-da Tatlı-Ağstafa sahəsinin 97-ci kilometrində start verilib: «Bu günə kimi 276,1 km yol əsaslı təmir olunub, bunun da 205 km-nin 800 metrlik uzunölçülü relslərlə (pletlərlə) əvəzlənməsi başa çatıb».
İnfrastruktur Departamenti tərəfindən Bakı-Böyük Kəsik yolunun əsaslı təmir olunması nəzərdə tutulan kilometrlərin təmir ardıcıllığı siyahısı hazırlanıb və işlər bu ardıcıllığa uyğun həyata keçirilir. Yolların əsaslı təmiri prosesini Çexiya «Eximbank»ının nəzarət qrupu müşahidə edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
