Bakı. Türbət Bağırova - APA. Almaniya Federativ Respublikasının müdafiə naziri Ursula fon der Leyen İŞİD terror qruplaşması ilə mübarizədə müvəqqəti siyasi ittifaq yaradılmasına çağırıb.
APA-nın "lenta.ru"ya istinadən verdiyi xəbərə görə, bu barədə DPA agentliyi məlumat yayıb.
Ursula fon der Leyen bildirib ki, İŞİD-ə qarşı mübarizə Fransa, ABŞ, Almaniya, Çin, Rusiya, Türkiyə, İran və digər ərəb dövlətləri üçün prioritet olmalıdır. O deyib ki, yeni alyansın əsas məqsədi qruplaşmanı zəiflətmək, onun yayılma arealını məhdudlaşdırmaq, ekstremistlərin düşərgələrini məhv etmək, şəhərləri yenidən onların əllərindən almaqdan ibarətdir. Almaniyalı nazir mötədil müsəlmanlara müraciət edərək onları İŞİD-dən uzaq durmağa çağırıb: “Siz İŞİD-in İslamla heç bir əlaqəsi olmadığını göstərməlisiniz”.
"Bild" qəzeti isə Almaniya Silahlı Qüvvələrinin İŞİD-ə qarşı hərbi əməliyyatlara qatılmaq üçün Bundesverin 1,2 min hərbçi göndərə biləcəyi ilə bağlı məlumat yayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
