APA-nın “RİA Novosti”yə istinadən verdiyi xəbərə görə, bu barədə ötən gün Aİ-nin beynəlxalq məsələlərə dair sammitində qəbul olunmuş bəyanatda qeyd olunub.
“Aİ “Şərq Tərəfdaşlığı”na tamamilə sadiqdir. Bu proqram diferensial şəkildə (ayrı, fərqli şəkildə - red.) altı tərəfdaşın hər biri ilə münasibətləri daha da möhkəmləndirəcək. Dövlət quruculuğu, insanlar arasında təmas, bazar imkanları və qarşılıqlı əlaqələr sahələrində gücləndirilmiş əməkdaşlığa xüsusi səylər göstərilməlidir”, deyə bəyanatda qeyd olunub.
Aİ həmçinin üzv dövlətlər tərəfindən Gürcüstan, Moldova və Ukrayna ilə assosiativ üzvlük və azad ticarət zonasına daxil olma haqqında müqavilələrin tezliklə ratifikasiya olunmasını gözlədiyini qeyd edib.
“Şərq Tərəfdaşlığı” proqramına Gürcüstan, Ukrayna, Belarus, Moldova, Azərbaycan və Ermənistanın daxil olduğu qeyd olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
