Bakı - APA-Economics. Yasamal rayonu ərazisində yerləşən Şəfayət Mehdiyev küçəsində təmir işləri sürətlə davam etdirilir.
Nəqliyyat Nazirliyi “Azəryolservis” ASC-dən “APA-Economics”ə verilən məlumata görə, uzunluğu 1600 metr olan küçənin eni keçdiyi ərazilərdən asılı olaraq 15-18 metr arasında dəyişir. Küçə boyu 1450 metr məsafədə beton səki daşları mərmər səki daşları ilə əvəzlənib.
Hazırda köhnə asfalt-beton örtüyünün frezlənməsi işi həyata keçirilir.
Qısa bir vaxtdan sonra yeni asfalt-beton örtüyünün döşənməsi işlərinə başlanılacaq.