Türkiyənin TPAO və BOTAŞ dövlət şirkətlərinin rəhbərliyində dəyişiklik olub.
"APA-Economics" xəbər verir ki, Alparslan Bayraktar TPAO-nun, Ertuğrul Şahin isə BOTAŞ-ın İdarə Heyətinə üzv seçilib.
Hər iki şəxs vəzifəsinin icrasına yanvarın 7-dən etibarən başlayıb.
TPAO Azərbaycanı Gürcüstanla birləşdirən "Cənubi Qafqaz Boru Kəməri"nin 7 səhmdarından biridir. Türkiyə şirkəti layihədə 19%-lik paya malikdir. Bundan başqa, TPAO Azəri-Çıraq-Günəşli (AÇG) layihəsində 6,8%-ə, Bakı-Tbilisi-Ceyhan layihəsinin 6,53%-ə, "Şahdəniz" layihəsində 19% pay sahibidir.
BOTAŞ TANAP layihəsində 30%-lik paya sahibdir.