Futbol

Ana səhifə

Futbol

Azərbaycan Premyer Liqasında il ərzində 112 qarşılaşmada 279 qol vurulub

29 dekabr 2019 10:53 (UTC +04:00)

Başa çatmaqda olan 2019-cu ildə Azərbaycan Premyer Liqasında 112 oyun keçirilib.

Apasport.az saytının məlumatına görə, 2018/19 mövsümünün ikinci və 2019/20 mövsümünün ilk yarısında eyni 8 komanda mübarizə aparıb.

Baş tutan 112 qarşılaşmada 279 qol vurulub. Orta məhsuldarlıq 2,49-a bərabər olub.

Premyer Liqada 2019-cu ilin ən yaxşısı “Qarabağ”dır. Ağdam klubu keçirdiyi 28 qarşılaşmada hamıdan çox – 20 qələbə qazanıb. İl ərzində yalnız bir dəfə uduzan Qurban Qurbanovun yetirmələri digərlərindən daha çox – 67 xal toplayıb. İkinci göstəriciyə malik “Neftçi” 17 xal az yığıb. 3-cü nəticə isə “Zirə”yə məxsusdur.

2019-cu ildə “Qarabağ” ən çox, “Sabah” ən az qol vuran komanda olub. Ağdamlılar həm də ən az top buraxandısa, “Səbail” qapısında daha çox qol görüb.

Ümumiyyətlə, il ərzində yalnız iki komanda - “Qarabağ”la “Neftçi” top fərqində müsbət saldoya malik olub. Digər 6 klubun buraxdığı qol sayı vurduğundan çoxdur.

1.	Qarabağ	28	20	7	1	57 - 14	67
2.	Neftçi	28	14	8	6	48 - 27	50
3.	Zirə	28	10	8	10	36 - 37	38
4.	Keşlə	28	9	7	12	31 - 34	34
5.	Qəbələ	28	8	8	12	28 - 39	32
6.	Sumqayıt	28	9	5	14	29 - 42	32
7.	Səbail	28	9	5	14	28 - 47	32
8.	Sabah	28	5	8	15	22 - 39	23