Bu gün Bakı Ağır Cinayətlər Məhkəməsində quldurluqda təqsirləndirilən İntiqam Cabbarovun cinayət işi üzrə məhkəmə prosesi başa çatıb.
APA-nın xəbərinə görə, hakim Rahib Salmanovun sədrliyi ilə keçirilən prosesdə hökm oxunub.
Hökmə əsasən, İ. Cabbarov 9 il müddətinə azadlıqdan məhrum edilib.
Qeyd edək ki, İntiqam Cabbarov ötən il Sumqayıt ŞPİ 2-ci PB əməkdaşlarının həyata keçirdikləri əməliyyat-axtarış tədbirləri nəticəsində ötən il iyulun 12-də saxlanılıb. O, şəhər sakini Elçin Alıyevin mobil telefonunu quldurluq yolu ilə almaqda təqsirləndirilib.
Onun əvvəllər də məhkum edildiyi bildirilib.