Bakı-APA. Bu həftə Avstraliyanın qərb sahillərində, Pert şəhəri yaxınlığında köpək balıqlarının hücumu nəticəsində 2 nəfər həyatını itirib.
APA-nın “Frans Press” agentliyinə istinadən verdiyi məlumata görə, cəsədlərdən biri bu gün Mindari qəsəbəsi yaxınlığında suda aşkarlanıb.
Cəsədin üzərində köpək balığının hücumu ilə bağlı yaralar aşkarlanıb. Keçən cümə günü isə köpək balığının hücumuna məruz qalmış bir şəxs xəstəxanada həyatını itirib.
Bundan əvvəl isə ötən çərşənbə axşamı 29 yaşlı zabit Ben Qerrinq köpək balığının hücumuna məruz qalıb. Ayağını itirən zabit xəstəxanaya yerləşdirilib, vəziyyəti ağırdır. Yerli balıqçılar zabitə hücum etdiyi ehtimal edilən 4,2 metr uzunluqda köpək balığı tutublar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
