Bakı. Yeganə Laçınzadə - APA-Economics. Azərbaycanda zərərlə işləyən bankların sayı azalıb.
Azərbaycan Mərkəzi Bankından “APA-Economics”ə verilən məlumata görə, 2015-ci ilin fevralın 1-nə ölkədə mənfəətlə işləyən bankların sayı 40 təşkil edib.
Dekabrdan fərqli olaraq yanvarda zərərlə işləyən bankların sayında azalma olub. Belə ki, dekabrda 8 bank zərərlə işləyirdisə, yanvarda zərərlə işləyən bankların sayı 5-ə enib.
Beləliklə, yanvar ayını ölkədə fəaliyyət göstərən 45 bankdan 40-ı mənfəət, 5-i isə zərərlə başa vurub. 40 bankın əldə etdiyi cəmi mənfəət 70,94 mln. manat təşkil etdiyi halda, 5 bankın məcmu zərəri 4,037 mln. manat olub. Beləliklə, bank sisteminin cəmi mənfəəti 66,90 mln. manat təşkil edib. Bu isə ötən ilin müvafiq dövrü ilə müqayisə də 36,34% və ya 17,83 mln. manat çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
